Curaçao Medical Center ta ofresé servisionan di gastroentrologia ku ta brinda e kalidat di mas haltu di kuido pa e kondishonnan ku ta afektá e sistema di digestion. E médikonan den e sentro di endoskopia di CMC ta hasi uso di e téknologia mas avansá ku ta disponibel pa yega na un diagnósis pa i tratementu di varios kondishon, manera entre otro anal i rektal, kolorektal, esófago, stoma, igra i pankrias, pero tambe kondishonnan ku ta afektá e tripa.
Pashèntnan na CMC ta risibí un evaluashon i tratamentu amplio di un tim di spesialisa, situá na un lokalidat. Nos tim ta inkluí siruhánonan di onkologia i di gastroentrologia, pero tambe radiologia i onkólogonan médiko.
E tim di gastroentrologia di Curaçao Medical Center ta traha un plan di tratamentu na midí pa kada diagnósis i nesesidat spésifiko di un individual, semper ku e meta pa mehorá e kalidat di bida di e pashènt.
Tratamentu i Kondishonnan
- Esófago
- Stoma
- Tripa
- Rekto
- Pankrias
- Galblas
- Galkanal
- Igra
Programa i Servisionan di Gastroentrologia
- Klínikanan di Gastroentrologia pa Evaluashon i Monitoriá
- Tur tèst di Endoskopia, inkluso: Gastroskopia, Flexi sigmoidskopia, Kolonoskopia i ERCP
Spesialista Gastroentrologia
Rosalena Paredes Marshall - Gastroentrólogo
Dr. Paredes ta un gastroentrólogo, ku a graduá na Venezuela, i ku tin mas di 10 aña di eksperiensia. For di novèmber 2019 e ta traha na Kòrsou.
E la finalisá su edukashon ku un masters den echo endoskópiko na ValldHebron Hospital na Spaña. E gusta trata pashènt ku problemanan króniko òf agudo di digestion i igra.
Dr. Paredes tin eksperiensa ku gastroskopia i kolonoskopia pa metanan diagnóstiko òf terapéutiko serka pashèntnan ku ta sufri di sangramentu gastrointestinal òf ku tin tumornan no-invasivo. Su desaroyo riba tereno di echo endoskopia ta brinda dr. Paredes e oportunidat pa studia tumornan den e esófago, stoma, pankrias, galblas i rekto.
Dr. Louisa van de Loo-van Dijk - Gastroentrólogo
Dr. Louisa van de Loo-van Dijk ta un gastroenterólogo na Curaçao Medical Center (CMC), ku eksperensia amplio den gastroenterologia i un enfoke partikular riba onkologia i hepatologia. Ela studia Medisina na Erasmus University Rotterdam i a kompletá su entrenamentu komo gastroenterólogo na Erasmus MC Rotterdam. Durante su karera akadémiko, el a optené su PhD riba e tema di “Chronic Mesenteric Ischemia” denter di e Departamentu di Gastroenterologia i e Departamentu di Radiologia na Erasmus MC Rotterdam.
Na 2026, Dr. van de Loo-van Dijk a forma parti di e tim di CMC, kaminda e ta duna kuido spesialisá na pashèntnan ku trastorno di e sistema di stoma, tripa i e higra.