E departamento di dermatologia di CMC ta duna kuido amplio na personanan ku ta buskando un solushon pa kondishonnan i malesanan di kueru, slijmvlies, kabei i uña. E dermatólogo di CMC ta diagnostiká i trata diferente kondishon, inkluso varios ku no ta komun òf ku ta kompleho. E dermatólogo ta traha den estrecho koperashon ku abo i bo tim di kuido pa komprondé i atendé bo nesesidatnan dermatológiko i dunabo e kotestanan korekto for di prinsipio.
E spesialista di kueru di CMC ta un eksperto riba tereno di genétika, imunologia, melanoma, malesanan oral, patologia, pediatria, farmakologia, salubridat públiko i sirugia. E spesialista tambe ta realisá otro prosedura kirúrgiko dermatológiko.
Tratamentu i Kondishonnan
- Rebultashon
- Malesa di Blar
- Malesa di Tehido Konektivo
- Dermatitis di kontakto
- Limfoma
- Dermatitis
- Pèrdida Genétiko di kabei
- Melanoma
- Carcinoma
- Psoriasis
- Kanser di Kueru
- Frèt
- Spatardu
Programa i Servisionan Dermatológiko
- Tratamentu di ardu
Muller Flebectomie
Muller Flebectomie ta un téknika di operashon simpel i no invasivo ku ta eliminá spatardu pa medio di un kòrtá chikitu di 2 pa 3 mm. E pashènt por trata e ardunan chikitu ku ta isolá bou di anestesia lokal.
- Dermatoskopia
Dermatoskopia ta un téknika in vivo no invasivo pa eksaminá leshonnan di kueru pigmentá. E téknika aki ta wòrdu apliká pa medio di un aparato ku yama un dermatoskopia, ku ta visualisá karakterístikanan bou di e kueru ku normalmente bo no por mira. E dermatoskopia por saka imahen digital (potrèt òf video) pa uso den futuro.
- Skrinen di Kanser di Kueru
Durante un skrinen di kanser di kueru bo dermatólogo lo inspekshoná bo kueru en buska di leshonnan sospechoso. Esaki no ta rekerí tèst di sanger. Si un biòpsi òf otro prosedura no ta nesesario, e skrinen ta sin doló.
- Epicutane plaktest
Un plaktest ta un instrumento fantástiko pa identifiká i ekskluí alergenonan di kontakto. E tèst ta hasi uso di ekstraktonan di supstansianan di kua ta konosí ku nan ta kousa kontakto di dermatitis serka sierto persona. En bes di un angua, ta hasi uso di un pleister ku e supstansia i plak esaki riba e kueru. E plaktest a demonstrá di por duna un diagnóstiko mas mihó di un alergia spesífiko i asina alabes por preskribí e miho tratamentu.
- Tratamentu di Kanser di Kueru
Kanser di kueru ta e tipo di kanser mas komun. Kansernan di kueru non-melanoma, manera entre otro basaalcelcarcinoom i plaveiselcelcarcinoom probablemente lo no plama i por rekerí un tiki mas ku un operashon chikitu òf tratamentu. Melanoma, ku ta representá alrededor di 2 porshento di tur tipo di kanser di kuero, por plama den e sistema limfatika òf den bo sanger pa otro órgano. E patólogo i onkólogo di CMC ta eksperto riba tereno di kuidp di kanser di kueru. Bo onkólogo por rekomendá sirugia, terpia dirigí òf sirugia plástiko pa restourá funshonamentu i apariensia, si esaki ta nesesario.
- Sclerocomppressietherapie
Sclerocomppressietherapie ta trata spatader efektivamente. Hopi bia e preferensha ta bai pa e tratamentu aki pa atendé ku spatader chikitu.
Sclerocomppressietherapie ta enbolbí inyekshon di un supstansha direktamente den e ardu. E supstansha di sclerocomppressietherapie ta sòru ku e ardu ta krea un sikatris, i asina e sanger mester buska su ruta via ardunan mas saludabel. E ardu ku a kòlèps ta keda apsorbá den tehido lokal i eventualmente ta disparsé.
Despues di sclerocomppressietherapie, ardunan ku a keda tratá ta disparsé dentro di algun siman. Pero tin bia ta dura un luna òf mas pa mira e resultado kompleto. Den sierto kaso e pashènt mester di varios tratamentu di sclerocomppressietherapie.
Spesialista Dermatólogo
Drs. Roxanne Gouverneur - Dermatólogo
Drs. Roxanne Gouverneur ta un dermatólogo na Kòrsou i Hefe di e Departamentu di Dermatologia na Curaçao Medical Center (CMC). El a studia medisina na Hulanda i a kuminsá su karera trahando 1 aña den Medisina Interno na ex hòspital Slotervaart na Amsterdam. Despues di esei, el a train komo dermatologo na Amsterdam UMC. Desde 2013, e ta trahando komo Dermatólogo na Kòrsou.
Drs. Gouverneur ta diagnostiká i trata un rango amplio di kondishonnan di kueru. Esakinan ta inkluí kanser di kueru, akne, eksema, reakshon di alergia na momentu di kontakto, lupus i problemanan króniko di ardu i herida.
E tin eksperensia tambe ku malesanan di kueru tropikal. E tabata ko-outor di e artíkulo “Lepra na Kòrsou” pa un revista médiko.
Drs. Gouverneur ta miembro di vários organisashon profeshonal di dermatologia. Esakinan ta inkluí “Dutch Society for Dermatology and Venereology”, “European Academy of Dermatology and Venereology” i “The Dutch Society of Cosmetic Dermatology”. Tambe e ta miembro di direktiva di “Landelijke Vereniging van Medische Professionals in Dienstverband Curaçao”.
Banda di su trabou komo dermatólogo, e ta aktivo den edukashon médiko tambe. E ta duna charla den programanan edukativo nashonal i internashonal. Esakinan ta inkluí programanan pa WHIG i UConsultancy. Su charlanan ta enfoká riba kueru pigmentá i kuido dermatológiko inklusivo.
Dr. Sarah den Hengst
Dr. Sarah den Hengst ta un dermatólogo i ta trahando na Curaçao Medical Center for di 1 di ougùstùs di 2024. El a terminá su estudio médiko na Utrecht i a spesialisá den dermatologia na Rotterdam. E ta praktikando komo dermatólogo for di 2007.
Komo un dermatólogo general, Dr. den Hengst tin eksperensia den vários area inkluyendo dermatologia pediatria, “flebologie (spataderen/lymfoedeem/lipoedeem),” estudio di adernan i kondishonan asosiá i tambe kanser di kueru. E ta un siruhano sertifiká di Mohs, spesialisá den sirugia di kanser di kueru di kara. Na Havenziekenhuis na Rotterdam el a haña eksperensia tambe den malesanan di kueru ku bo por enkontrá den e klima tropikal.
Ademas di su trabou klíniko, Dr. den Hengst a okupá vários funshon di maneho médiko. Pa e último tres añanan, el a fungi komo miembro di direktiva i visepresidente di e personal médiko na Bravis Hospital.
E ta miembro di varios sosiedat profesional internashonal, manera ‘Nederlandse Vereniging voor dermatologie en venerologie’, ‘European Academy for Dermatology and Venerology’ i ‘Nederlandse vereniging voor Cosmetische Dermatologie’.