Willemstad, 20 di novèmber 2025 – Curaçao Medical Center (CMC) ta organisá un ‘Open House’ riba djasabra 29 di novèmber, for di 9 or di mainta pa 12 or di mèrdia, pa yena shete (7) funshon kulinario den su Kushina Sentral. E ròlnan aki ta integral pa e rekuperashon i bienestar di pashèntnan. E personal di kushina ta responsabel pa proveé e kuminda nutritivo i di kalidat haltu ku ta esensial. CMC ta buska ku urgensia profeshonalnan talentoso pa djòin e tim vital aki ku tin impakto direkto riba e eksperensia di su pashèntnan. Pa mas informashon of pa registrá, manda un email na OpenHouse@cmc.cw
E evento aki ta ofresé kandidatonan un oportunidat úniko tras di kortina pa eksplorá e funshonamentu interno di e fasilidat di kushina di CMC ku ta di kalidat haltu ku ekiponan’state-of-the-art‘. E ‘Open House’ ta inkluí un tour den e Kushina Sentral, un ‘Meet and Greet’ ku lidernan di departamentu i personal di Rekurso Humano (HR) i e oportunidat pa apliká mesora.
CMC ta buska pa yena e siguiente funshonnan ‘Full time: ‘
- Chef di Kushina Sentral
- Sous Chef
- Chef de Partie
- Kòki
- Asistente di Kushina
Sea ku bo ta un profeshonal kulinario eksperensiá, buskando un karera signifikativo òf un persona ku ta buska pa kuminsá den e servisio di kuminda di kuido di salú, e ‘Open House’ aki ta bo chèns pa djòin un tim kaminda bo abilidatnan ta hasi un kontribuson direkto na salú di nos komunidat.
