Curaçao Medical Center ta e promé hospital den Karibe ku a logra e sertifikashon LEED Gold. LEED ta nifiká “Leadership in Energy and Environmental Design” kual ta para pa liderazgo den konservashon di energia y diseño ambiental. LEED ta e proseso di klasifikashon di edifisionan ekológiko mas usa di mundu pa por evaluá edifisionan segun kriterio di sostenibilidat, manera desaroyo di e espasio, ekonomisashon di awa, efisiensia energétiko, eskoho di material i e klima paden di e edifisio. Ballast Nedam ta e kompania enkargá ku e diseño i realisashon di Curaçao Medical Center.
E sertifikashon di LEED ta un logro maravioso pa Curaçao Medical Center por demonstrá ku den su búskeda di operashonnan komersial i sostenibel ta kumpli ku standard internashonal di kalidat i seguridat.
E diseño di e hinter e kompleho ta basá riba sostenibilidat i ekonomisashon di energia. Naturalmente esaki ta tene na kuenta tambe kondishon di e klima lokal. Por ehèmpel, ta utilisá e energia di e pènelnan ku ta kolekta rayo solar pa por generá awa kayente i na mes momento usa e awa kondensá pa matenshon di e matanan riba e propiedat. E fachadanan (gevels) di e edifisio ta diseñá pa hasi uso optimal di lus di dia di un banda i di e otro banda pa evitá e kayente di lus di solo dirèkt. Kompará ku otro proyektonan komparabel internashonal Curaçao Medical Center ta kasi 30% mas efisiente ku e konsumo di su energia. Pa sigui konservá di nos medio ambiente, CMC ta den proseso pa finalisá un solushon struktural pa e proseso di purifikashon pa e awa.
