WILLEMSTAD, 21 di novèmber 2024 – Curaçao Medical Center (CMC), den kolaborashon ku Ronald McDonald House Charities (RMHC) Foundation Curaçao, ta orguyoso pa anunsiá kreashon di un área spesial pa hunga den Healing Garden di CMC pa mucha hospitalisá. E inisiativa aki ta enfoká pa kreá un espasio kaminda mucha por ta entretené, hunga, i sinti un sensashon di alegria i normalidat durante su estadia den hòspital.
E proyekto signifikante aki a ta den fase di planifikashon por un tempu largu, i awor CMC ta kla pa move pa dilanti ku un diseño ku ta tene tur regla di hospital den konsiderashon. Implementashon di e fase pa mucha ta planifiká pa kuminsá den e promé kuartal di 2025, danki na donashon generoso di Gerd Glaudemans i kontribushon importante di Osvaldo (Oz) Marchena, Dream Rides 2022 i otronan.
E promé fase ta konsentrá na krea un espasio pa rekreá vibrante i amikal pa mucha, diseñá segun e nesesidatnan di e pashènt chikí. E siguiente fasenan lo kombiná hinter e Healing Garden, transformando e den un oásis trankil diseñá pa rekreo i relahashon pa pashèntnan, nan famianan i personal di CMC.
“Nos ta kere firmemente den e poder di hunga komo un komponente vital pa sanashon di mucha,” segun Claudia Rigaud, Direktor di RMHC Foundation Curaçao. “E kolaborashon aki ku CMC ta suprayá nos kompromiso kompartí pa yuda mehorá e bienestar di mucha i famianan na Kòrsou.”
E Healing Garden, ora e ta kompletá, lo ofresé un espasio pa mucha eksplorá i hunga, i alabes lo sirbí komo un lugá di pas i trankilidat pa tur hende na CMC. E proyekto aki ta representá un invershon signifikante den komunidat, ku e meta pa yuda alegrá esnan ku usé.
