WILLEMSTAD, 21 di Novèmber 2024 – Siman pasá, Curaçao Medical Center (CMC) a opservá su di 5 aniversario, reflehando riba su trayekto di resiliensia i dedikashon na komunidat di Kòrsou. E okashon a honra su logronan remarkabel i e kompromiso di su personal, apesar di e desafionan signifikante ku a enfrentá den e añanan pasá.
Komo parti di e rekonosimentu, dos departamentu a wòrdu honrá pa nan skor ekselente den satisfakshon di pashènt i 5 kolega destaká a risibí rekonosimentu pa nan dedikashon i impakto. Esnan aki a wòrdu nominá pa hefenan di departamentu i mènedjernan. E evaluashon a tuma lugá pa un komishon independiente.
Logro di Departamentunan
E departamentu di Radioterapia a logra un skor impreshonante di 9.1 na satisfakshon di pashènt, miéntras ku Cathlab a sobresalí ku un skor di 9.4. E dos departamentunan aki a wòrdu honrá pa nan ekselensia konsistente den kuido di pashènt.
Rekonosimentu di Kontribushon di Koleganan
Diessinku kolega a wòrdu rekonosé pa nan kontribushon remarkabel na e mishon di CMC pa duna kuido ku amor. Nan selekshon tabata basá riba nan dedikashon, profeshonalismo, i kapasidat pa inspirá otro. Un komishon eksterno a evaluá e nominashonnan pa sigurá imparsialidat i neutralidat.
E koleganan den Top 15 tabata:
- Edmelyn Albertus – Hefe di Enfermeronan pa Departamentu di Emergensia
- Lilien Rodriguez – Dòkter di Departamentu di Servisio Médiko (MD)
- Dinaida Pieternella – Hefe di Enfermeronan di Kuido Intensivo
- Layendely Rosina – Asistente di Dòkter na Poli KNO
- Lieset Pieternelle – Asistente di Dòkter na “wondenpoli”
- Lisette Ricardo – Hefe di AOA
- Rijane Rosina – Enfermera na “wondenpoli”
- Marilu Emelina – Inkoop i Logístika
- Timothy Rojer – Enfermero na AOA
- Sharelis Maduro – Miembro Senior di Maneho di Transakshon
- Angelique Reinita – Asistente di Dòkter Poli Ginekologia
- Kelly Zimmerman – Miembro Senior di Bali di Registrashon
- Annelies Allee – Asistente di Dòkter Poli Heelkunde
- Desiree Gysbertha – Enfermera na Ginekologia
- Rinaila Emelina – Enfermera na AOA
E koleganan di Tòp 5
Esnan den e tòp 5 a risibí rekonosimentu spesial pa nan esfuerso eksepshonal i kontribushon remarkabel:
- Edmelyn Albertus – Departamentu di Emergensia
Edmelyn, komo hefe di Enfermeronan na Emergensia, ta inspirá su tim pa sigui krese i mehorá miéntras e ta duna kuido krítiko den situashonnan di haltu preshon. Su liderato i dedikashon na desaroyo ta un ehèmpel pa nos tur.
- Lilien Rodriguez – Departamento di Servisio Médiko
Dr. Rodriguez su dedikashon ta laga un impakto duradero miéntras su penshun ta aserká. Su kuido ku kompashon i e servisio ekselente ku e a ofresé na koleganan i pashèntnan ta reflehá su kontribushon ekselente.
- Dinaida Pieternella – Kuido Intensivo
Dinaida, su liderato ku grasia i determinashon, a guia e tim di ICU mientrastantu e a enfrentá desafio personal. Su atenshon pa kalidat i aporte pa koleganan ta realmente impreshonante.
- Layendely Rosina – Poli KNO
Layendely su método inovador i kuido empátiko a mehorá e eksperensia di pashèntnan i tambe proseso na Poli KNO.
- Lieset Pieternelle – Wondenpoli
Lieset, ku su dedikashon na duna kuido di haltu kalidat na pashèntnan ku herida kompliká i króniko, ta demostrá su kompromiso na ekselensia.
Honrando Kompromiso Den Desafio
CMC ta sigui nabegá desafionan miéntras ta mantené un enfoke riba ekselensia den kuido médiko. E di 5 aniversario ta brinda un oportunidat pa honra e forsa, dedikashon i resiliensia di su personal.
CMC ta ekstendé su gradesimentu na tur empleadonan, pashèntnan i komunidat pa nan sosten kontinuo i konfiansa. Huntu, e hòspital i su tim ta keda dediká na mehorá kuido médiko i Sirbi ku Amor.
