WILLEMSTAD, 29 di yanüari, 2026 – Curaçao Medical Center (CMC) ta konfirmá ku tin sufisiente kapasidat di ekiponan den departamentu di sterilisashon pa garantisá operashonnan agudo, di emergensia i otro kuido médiko esensial. Un solushon tékniko temporal di akuerdo ku standartnan seif a wòrdu implementá pa por resumí kuido elektivo di un forma gradual i responsabel.
E tim di maneho di CMC a reuní ku Inspektor di Salubridat Públiko pa informá tokante e situashon aktual, e medidanan ku a tuma i e pasonan pa salbaguardiá kontinuidat di kuido. E diálogo aki ta forma parti di CMC su kompromiso ku transparensia, supervishon i aliniashon regulatorio.
CMC ta sigui traha di serka ku partnernan relevante, inkluyendo sosten di e islanan den reino, miéntras ta warda entrega di e piesanan nobo.
E tim di sterilisashon i ekiponan médiko ta trahando bou di preshon kontinuo pero ta sigui demostrá profeshonalismo i dedikashon pa sigurá kontinuidat di servisionan krítiko.
Manera a informá anteriormente, e departamentu di planifikashon lo tuma kontakto ku pashèntnan dirèkt si tin kualke kambio.
CMC ta enfatisá ku siguridat di pashènt ta keda e prioridat di mas haltu i ku proseduranan médiko lo wòrdu ehekutá solamente na momentu ku ta kumpli ku tur rekisito di seguridat i kalidat.
Mas informashon lo wòrdu publiká na momentu ku esaki ta relevante.
