Willemstad, 12 di Mei 2021 – Curaçao Medical Center i komunidat di Kòrsou a risibí un bunita regalo den forma di un produkshon LIVE yamá “Apresio” pa dia di Enfermeria di parti di kompanianan lokal. 12 di Mei ta un fecha importante pa para ketu na dje pa duna honor i apresio na tur nos enfermeronan ku ta hasi nan trabou ku orguyo i amor. Den e produkshon a pone atenshon tambe na e demas pilanan di CMC ku ta forma parti di e kadena di kuido.
CMC ta sumamente gradisí ku apesar di e situashon ku Kòrsou ta den dje algun kompanianan lokal i personanan a bini huntu pa duna e bunita regalo akí. Na nòmber di tur enfermeronan i demas empleadonan di Curaçao Medical Center, nos kier yama Mauricia Pictures, HelpR, MMO Dutch Caribbean, Shon Fia, Coca Cola, Ronald Mc Donald House, Panaderi Isa, General Catering, Curacao Chinese Union, Panaderia 2000 i Distribier danki di kurason.
