Willemstad, 4 di novèmber, 2021 – Ayera a inougurá un proyekto spesial ku diseñonan i un historia
koutivante pa hasi e departamentu di mucha mas alegre na Curaçao Medical Center (CMC). Den e historia i
e pinturanan, e ‘Prikichi’ Docter Pedro ta hiba bo na diferente paisahe bunita di Kòrsou i sera bo konosí ku
e animalnan ku ta biba aki. E tres organisashonnan ku a uni forsa pa hasi esaki posibel ta Ronald McDonald
House Charities (RMHC) Curacao Foundation, Stichting Mucha pa Mucha i Stichting CliniClowns Curaçao.
Danki na e sosten finansiero di Stichting Johannes Bosco, Fundashon Abram E. Salas, Representashon di
Hulanda na Kòrsou i RBC bank a logra di hasi e proyekto aki posibel.
“E Departamentu di Mucha, meskos ku tur departamentu di e hospital, ta trahá den un forma hopi bunita i
modèrnu, pero tabata falta un tiki mas poko koló pa trese alegria na e muchanan i nan mayornan. E
aspekto aki ta benefisioso durante un estadia den hospital,” segun Claudia Rigaud, direktora di RMHC.
Huntu ku Arkitekto Omar Zimmerman (dirigente di e proyekto) i Hirons Caribbean (tim di diseño) a duna
forma na e ideanan. “Nos ta hopi orguyoso ku e resultado”, Marina de Miranda, fisioterapista i representá
Fundashon Mucha pa Mucha, ta agregá.. “Esaki ta sigur un kambio grandi pa nos ku ta traha den kuido i ku
tur dia ta aktivo den e Departamentu di Mucha. Nos por usa e murayanan aki na un forma dibertido pa
hasi investigashon i ehersisio ku mucha.
