Retraso di provedor den entrega di MRI

Willemstad, 15 di Novèmber, 2022 – E provedor di e MRI, Philips Medical Systems Nederland BV, a informá Curaçao Medical Center (CMC) ku lo tin un retraso den e entrega di e MRI nobo pa motibu di skarsedat mundial di material i retraso den logístika. E yegada di e ekipo na Kòrsou ta planiá pa 3 di yanüari, 2023, na logá di e fecha original di entrega di 15 di novèmber, 2022. Esaki ta nifiká ku CMC lo por kuminsá programá pashèntnan ku mester di un skèn MRI den e promé kuartal di 2023.

Sigui página di Facebook di Curaçao Medical Center pa e último desaroyonan.