Willemstad – 9 di yüni 2026 – Curaçao Medical Center (CMC) a kuminsá un programa piloto di un kamber Geriatriko, esaki lo kuminsá ku kuater pashènt riba departamentu C1. E inisiativa aki ta diseñá pa brindá mas sosten na pashèntnan di edat avansá (65+) ku tin mester di kuido hospitalario. E inisiativa ta respondé na e poblashon di Kòrsou ku ta enbehesiendo rápidamente. Segun Ofisina Sentral di Estadístika di Kòrsou, mas ku un di kada kuater persona riba e isla (25.3%) awor tin 65 aña òf mas, kompará ku ménos ku 14%, 10 aña pasá.
E kamber ta un kamber regular di hòspital ku kuater kama kaminda pashèntnan ta risibí kuido médiko, pero adishonalmente ta pone enfoke riba moveshon, nutrishon i interakshon sosial. Pashèntnan ta wòrdu enkurashá pa lanta for di kama, sinta huntu na mesa, partisipá na aktividatnan simple i move regularmente ku sosten di boluntarionan di CMC i personal di fisioterapia. E sistema strukturá akí ta prevení konfushon, soledat i ku e pashènt ta bai atras físikamente, kual por susodé ora ku pashèntnan di edat avansá keda riba kama pa periodonan largu durante hospitalisashon.
E konsepto a wòrdu diseñá pa e tim geriátriko di CMC, inkluyendo spesialista di geriatria Dr. Schakel i enfermera di geriatria Sterre Noordhoek. Noordhoek ta koordiná e inisiativa huntu ku hefe di departamentu C1, enfermera Desire Ventura. Aktividatnan diario ta keda sostene pa enfermeronan riba departamentu, departamentu di fisioterapia i nuebe boluntario entrená bou di supervishon di hefe di departamentu i tim di maneho di hòspital.
“Varios pashènt ta yega hòspital kanando nan so, pero ta sali hòspital swak despues di hopi dia na kama.” Noordhoek a bisa. “Nos meta ta pa sostene
