Willemstad, 24 di yüli 2025 – Curaçao Medical Center (CMC) ta sigui tuma pasonan proaktivo i pone atenshon na karga di trabou i dinámika di personal di manera struktural den vários departamentu. Esaki ta inkluí “Short Stay,” kaminda preokupashon tokante kondishonnan di trabou a ser ekspresá awe. Durante e último añanan, e departamentu a pasa den vários kambio operashonal. Di retonan di transishon pa pandemia i kambio di struktura. E preshon a intensivá awe pa motibu di koleganan ku AO i otro retonan di personal.
Ta den proseso di trese kambionan i a mehorá algun aspekto struktural, inkluso un modelo di skèdjel mas fleksibel pa sostené tantu e resilensia di personal komo kontinuidat di kuido. Esaki spesífikamente ta e kaso den e departamentu en kuestion. E esfuersonan ta forma parti di un strategia kontinuo basá riba dato, ku nesesidat di monitòr regular i ahustá kaminda ta nesesario, pa garantisá un avanse sostenibel. Pa CMC, bienestar di personal i seguridat di pashèntnan ta un prioridat i ta konektá na otro.
CMC ta mantené un diálogo habri ku su personal i nan representante, miéntras ku e ta sigui enfatisá e importansia di sigui e protokòl interno. Kontinuidat di kuido ta keda un enfoke sentral, huntu ku un ambiente di trabou respetuoso i kolaborativo.
