Willemstad, 27 di ougùstùs 2025, 11:15 AM – Debí na e Blackout na Kòrsou, Curaçao Medical Center (CMC) ta sigui operá riba generator pa garantisá kontinuidat di kuido esensial i di emergensia. Tuma nota di e siguiente:
- Poliklínika: Tur poliklínika lo sera despues di 12:00 PM awe. Lo traha un sita nobo pa esnan kanselá.
- Departamentu di Emergensia: Ta keda habrí i sigui disponibel pa kasonan di emergensia.
- Departamentunan di Kuido (Enfermeria): Kuido ta sigui nòrmal. Pa mantené e kambernan fresku, lo switch aire kondishoná entre algun departamentu, loke por kousa un fluktuashon chikí den temperatura. Nos ta sigui monitor pa garantisá ku nos pashèntnan ta komfortabel i ku nos ta mantené un situashon seif.
- Operashon: Tur operashon programá lo sigui manera planifiká, esun ku tin kambio lo wordu informá direktamente.
Nos lo sigui duna aktualisashon ora tin mas informashon. Masha danki pa boso pasenshi i komprenshon.
