Willemstad, 2 di desèmber 2025 — Curaçao Medical Center (CMC) a tene un Open House eksitoso pa su Kushina Sentral i a atraé mas ku 150 miembro di komunidat ku tabata interesá pa sa kon e kushina ta funshoná i tambe den e oportunidatnan pa trabou disponibel. Durante e bishita, partisipantenan a risibí rekorido ku a mustra e proseso di trabou diario i por a pa papia dirèkt ku e tim di Rekurso Humano tokante e 7 vakaturanan.
CMC ta ekspresá su apresio grandi pa e partisipashon i interes demostrá. Den e tempu ku ta bin, lo sigui proseduranan pa yena e posishonnan pa fortalesé e personal. Tuma nota ku CMC lo tin un gran Feria di Trabou pa hinter hòspital na mart 2026. Pa mas informashon tokante vakaturanan, por bishitá e página di Karera na Home – CMC
