Willemstad, 21 di novèmber 2025 – Curaçao Medical Center (CMC) a traha huntu ku Fundación Santa Fe de Bogotá (FSFB) pa organisá un simposio importante pa nos tim di dòkternan di mucha (Pediatria). E meta prinsipal di e simposio tabata pa siña di otro i mehorá e kuido na muchanan ku malesanan krítiko. Durante e dia, nan a interkambiá konosementu i a siña e tratamentunan mas nobo pa kondishonnan di mucha ku ta rekerí hopi atenshon, manera infekshon grave (sèpsis), leshonnan kousá pa aksidente (trouma) i otro problemanan neurológiko i di stoma.
Ku e kolaborashon aki, CMC ta sigurá ku nos muchanan ta risibí kuido haltu i avansá. E simposio a enfoká riba vários seshon intensivo dirigí dor di e ekspertonan prinsipal di FSFB. Nan a enfatisá riba detekshon i intervenshon trempan i kuido integral sentral riba famia.
E kolaborashon aki ta marka un paso importante den reforsá e lasonan regional den medisina pediátriko i avansá ekselensia klíniko na Kòrsou. Pa medio di e kolaborashon aki, ámbos instituto ta reafirmá nan kompromiso na kuido humanisá di kalidat haltu i multidisiplinario pa muchanan den Karibe i Latinoamérika.
