Willemstad, 14 di yüni, 2022 – Siman pasá Curaçao Medical Center (CMC) a kuminsá hasi tèst di oido kompletu. E tèstnan akí ta pa adultonan ku a pèrdè oido, personanan ku konstantemente tin zonido di “beep” den nan orea, muchanan ku ta sospechá òf ku e pèrdè oido òf ku defekto ku papiamentu. Esaki ta inkluí asta beibinan ku ta sospechá di a pèrdè oido.
Pèrdida di oido por afektá tur hende i mayoria biaha e progreso ta gradual. E por ta difísil pa ripará te na momentu ku bo eksperensiá un síntoma. E propósito di un tèst di oido no ta solamente pa determiná si a pèrdè odio, pero tambe pa diskubrí kon severo esaki ta. Un tèst profundo por yuda definí e tipo di pèrdida di oido, i si un tratamentu médiko, manera un sirugia òf aparato pa oido por duna bon resultado. Na momentu ku definí pèrdida di oido, e spesialista ta eksaminá kua parti di e orea e problema di e oido ta; paden di e orea (cochlea), òf meimei di e orea (eardrum and ossicle chain).
Tèst di oido no ta hasi doló i no ta invasivo. Na CMC esaki ta tuma lugá den un kabina di silensio kaminda zonido no ta drenta i ta mantené tur zonido ku por stroba e resultado di e tèst pafó, manera air conditioner i ambiente di ofisina. Pa hasi e tèst, pashèntnan ta bisti un headphone òf un plug sòft di orea ku ta konektá na un instrumènt ku yama oudiometer. Alabes, e espasio ta ekipá ku speaker spesial pa tèst beibi, mucha òf un persona ku mester tèst miéntras e tin aparato di oido bisti.
Pa último desaroyonan di CMC, sigui página di Facebook di Curaçao Medical Center.
