LIMA, Febrüari 2025 – Orguyosamente RMHC Kòrsou a partisipá na e di tres konferensia di Kuido ku Famia Sentral (Family-Centered Care ‘FCC’) organisá pa RMHC Perú na Lima. E evento signifikante aki, kual ta dediká na promové kuido ku famia sentral den region, a tuma lugá na Colegio de Médicos del Perú. E konferensia a atraé mas di 1000 partisipante inkluyendo dòkter, spesialista, enfermeronan i studiantenan di medisina.
Direktora di RMHC Kòrsou, Claudia Rigaud a wòrdu invitá pa representá RMHC Kòrsou komo panelista den e seshon titulá: “Listening to and Engaging Families as a Pillar in Medical Treatment” (Skucha i enbolbé faminan komo pilar den kuido médiko). Durante su presentashon, e la aksentuá e logronan i progreso remarkabel di e modelo di kuido ku famia sentral na Curaçao Medical Center. Esaki a sirbi komo inspirashon pa tur persona presente i tambe a reforsá e liderazgo di CMC i RMHC den e enfoke aki.
E panel a generá gran interes bou di spesialistanan, partikularmente for di Instituto Nacional de Salud del Niño San Borja, ken despues a ekstendé un invitashon pa bishitá nan institushon i siña kon nan a implementá strategianan pa mantené famianan serka di nan yunan hospitalisá.
Danki na nan dedikashon na kuido ku famia sentral, RMHC i CMC ta wòrdu rekonosé komo e “frontrunner” di region den implementá Kuido ku Famia Sentral, kreando asina un punto di referensia pa otro institutonan di kuido.
