Willemstad, 8 di yüli 2025 – Hunta di Supervishon di Curaçao Medical Center (CMC) ta anunsiá ku e proseso pa reklutá un Direktor Médiko nobo a kuminsá. E proseso lo kana ku asistensia di un instansia spesialisá den reklutashonE Direktor Médiko nobo lo sigui guia CMC riba e kaminda pa logra su metanan ambisioso, miéntras ku nos kompromiso pa duna kuido di kalidat haltu i servisio ekselente ta keda e prioridat prinsipal.
Manera indiká den e komunikado di prensa fechá 9 di mei 2025, Profesor Dr. Ingemar Merkies, kende ta fungi komo e Direktor Médiko for di òktober 2019, a entregá su retiro entrante 31 di desèmber 2025. Profesor Dr. Merkies a ekspresá su intenshon pa enfoká kompletamente riba investigashon akadémiko i neurologia.
Durante e último añanan, Profesor Dr. Merkies a hunga un ròl klave den e desaroyo di CMC komo un lider den Karibe den fasilidat di kuido di salú. Su liderazgo tabata krusial den mehorashon di e kalidat di kuido médiko brindá na Kòrsou.
