Willemstad, 17 di novèmber 2021 – Entrante di djaluna, 22 di novèmber, Curaçao Medical Center (CMC) ta ekstendé orario di bishita pa tur dia di 11or di mainta pa 1or di mèrdia y di 5or di atardi pa 7or di anochi. Pashèntnan por risibí te ku 2 bishita durante e orarionan aki. Tene kuenta ku mester bisti tapa boka pa drenta hospital y keda mantené reglanan di distansia sosial y higiene di man pa nos por keda protehá nos pashèntnan y nos koleganan. No ta permití bishita ku tin síntomanan di COVID-19 ku ta inkluí entre otro tosamentu, nanishi ku ta kore, diarea, sakamentu, keintura.
Bishitá e página di Facebook di Curaçao Medial Center y klek riba “follow” pa bo por risibí e último informashonnan.
