Willemstad, 25 di novèmber 2021 – Curaçao Medical Center (CMC) a firma akuerdo ofisial ku Prinses Wilhelmina Fonds (PWF) pa por brinda sosten siko sosial na pashèntnan ku kanser den CMC i nan famianan. Ku e akuerdo aki e trahadónan sosial di PWF lo tin e oportunidat pa bishita pashèntnan durante nan proseso di atmishon i tratamentu. Un miembro di PWF lo ta presente na CMC tur djárason entre 8or di mainta i 5or di atardi pa asistí pashèntnan. Ta posibel pa regla un sita riba otro dianan via +5999-461-1998 of info@prinseswilhelminafonds.cw
PWF a wòrdu funda na 1949 i ta hopi envolví den promoshon di programanan di edukashon pa yuda konsientisá nos komunidat riba e diferente tipo di kansernan.