Willemstad 30 di desèmber, 2021 – Curaçao Medical Center a tuma nota ku hopi pashènt infektá ku COVID-19 ta akudiendo na sala di Emergensia sin tuma kontakto ku nan dòkter di kas promé. CMC ta supliká komunidat pa tuma kontakto ku dòkter di kas si tin síntoma di COVID-19 i no bin departamentu di Emergensia sin ku esaki ta nesesario pa evitá aglomerashon i chèns ku por plama e vírùs. Via dòkter di kas lo disidí si mester bai emergensia i lo duna esapasio pa Emergensia por yuda e pashèntnan ku tin e nesesidat mas haltu.
Te ku djaweps mainta e kantidat di pashèntnan infektá ku COVID-19 atmití den CMC a yega un total di 12, di kual 8 ta den Kuido Intensivo i 4 ta den departamentu di COVID-19. Na e momentunan aki CMC a surpasá su máksimo kapasidat pa por akapará pashènt den kuido intensivo, p’esei mester a dividí e departamentu di kuido intensivo den dos, un parti ta dediká na pashèntnan ku COVID-19 so i e otro parti ta pa pashèntnan ku NO tin COVID-19 pero ku si ta rekerí e atenshon di kuido intensivo. E divishon aki ya kaba ta pone preshon riba e kuido hospitalario di CMC. Ainda tin espasio pa akapará algun pashènt ku mester di kuido Intensivo, pero kada pashènt èkstra ta pone un preshon riba empleadonan i e kuponan pa aloká pashènt den hòspital.
Na CMC tin 57 empelado aktivo ku ta infektá ku COVID-19 esaki ta pone mas preshon debí ku tin ménos man pa por duna e kuido nesesario.
Si bo ta kalifiká pa risibí bakuna, CMC kier rekomendá pa por fabor bai bakuná pa yuda protehá nos komunidat i sòru pa e atmishonnan den hòspital ta ménos posibel manera tabta e kaso durante e último ola di COVID-19 ku nos tabatin.
Pa último desaroyonan di CMC, sigui página di Facebook di Curaçao Medical Center.
