Willemstad, 26 di novèmber, 2021 – Riba djárason, 1 di desèmber, Curaçao Medical Center lo introdusí e sistema di parker nobo. Pa baha pashènt den garashi (ménos ku 10 minüt) òf pa pashènt parker ta grátis. E tarifa pa bishita parker ta ANG 3,- pa e promé ora i ANG 2,- pa kada ora adishonal. Na momentu ku espasio di parker yena, e pantayanan na entrada lo indiká esaki. Tin espasio pa parker grátis disponibel pafó di hòspital dilanti garashi di parker, na banda di Pater Eeuwensweg òf na Colon. Por fabor plania pa yega 30 minüt promé ku bo sita pa bo tin sufisiente tempu pa parker i pasa na e bali di registrashon.
Na momentu ku drenta na garashi bo ta risibí un karchi di parker. Pa bo haña un lugá di parker, simplemente sigui e pantayanan ku ta indiká e kantidat di espasio disponibel. Kòrda baha ku bo karchi pa sea validá esaki komo pashènt òf pa hasi bo pago komo bishita na e mashin di pago. Pashèntnan por validá nan karchi na bali di Registrashon, departamentu di Diálisis òf na Radiologia. Ku e karchi validá of pagá bo ta risibí akseso pa por sali for di garashi.
Sigui nos página di FB pa videonan ku imágen di e proseso di parker na CMC.
