WILLEMSTAD, 21 di mei 2024 – Curaçao Medical Center (CMC) a komemorá Día di Enfermeria ku aktividatnan pa selebrá su ekipo di enfermeronan dediká. E festividatnan a kuminsá ku un parada tradishonal di enfermeronan for di e garashi di parker pa e banda ost di e edifisio di CMC, kaminda e seremonia a tuma luga. Bou di guia di Randolph Snijders, enfermeronan di kada departamentu, Direktor General Gilbert Martina, i Minister di Salubridat Publiko, Medio Ambiente i Naturalesa, Javier Silvania, a marcha ku orguyo.
E seremonia a kuminsá ku hisamentu di bandera di Curaçao Medical Center, bandera di Kòrsou, i bandera di Enfermeria. Direktor Médiko, Prof. Dr. Ingemar Merkies, a duna un diskurso inspirá, siguí pa e diskursonan di Minister Silvania, Manager di Kuido Donata Cijntje, i Presidente i Visepresidente di ”Verpleegkundige Adviesraad”, Carlos de Sousa de Ponte i Evelyn Benders. Na final invitadonan a gosa di un pasaboka ku un ko’i bebe pa klousurá e seremonia.
E dia a kontinuá ku ‘medical trivia scavenger’ hunt kaminda enfermeronan a wòrdu informá tokante e wega i ku kada departamentu ta partisipá pa gana tremendo premionan. E premionan a wòrdu di sponsor pa BlueFinn Charters, 8 the Experience, Corendon Mangrove Hotel Curaçao, Curaçao Activities, Aquafari, Delimar Spa, Glamour, i Baoase Luxury Resort. E premionan tabata konsisti di ‘’spa treatment”, ekskurshonnan, “daypass” hotel i ‘’lunch passes’
Pa añadi na e selebrashon, kada departamentu a nominá tres enfermero/a pa e titulo di Mihó Enfermero/a di Aña, ku e mihó 20 selekshoná pa votonan di empleadonan. E 20 enfermeronan eksepshonal aki a risibí un gift card di Crocs, di sponsor pa Boolchand’s Curaçao.
E dia a finalisá ku un ‘’happy hour’’ kaminda enfermeronan por a disfrutá di un snackbox i ko’i bebe di sponsor pa Curaçao Beverage Bottling Company. Adishonalmente, nan a risibí un regalo di apresio di sponsor pa Bo Frei Agency. Durante di e ‘’happy hour” CMC band a entretené e enfermeronan i tambe a anunsiá e ganadónan di e ‘’medical trivia scavenger hunt’’ kaminda a entregá e regalonan na e ganadónan. Adishonalmente, Van den Tweel Supermarket i Mangusa Supermarket a sponsor paketenan pa kada departamentu di kuido, sigurando ku tur e enfermeronan a sinti nan apresiá riba e dia aki.
Día di Enfermeria na CMC tabata un tremendo éksito kaminda a selebrá esnan ku tin un ròl krusial den kuido di salú. CMC ta ekstende su gratitut mas profundo na tur e sponsornan, kual ta BlueFinn Charters, 8 the Experience, Corendon Mangrove Hotel Curaçao, Curaçao Activities, Aquafari, Delimar Spa, Glamour, Baoase Luxury Resort, Boolchand’s Curaçao, Curaçao Beverage Bottling Company, Bo Frei Agency, Van den Tweel Supermarket i Mangusa Supermarket. Nan sosten a hasi e selebrashon akí posibel i a honra e enfermeronan pa nan trabou duru i dedikashon.
