Willemstad, 10 di mart, 2022 – Entrante djaluna 14 di mart, Curaçao Medical Center (CMC) ta aktivá un number di WhatsApp pa traha òf kambia sita, petishon pa resultado di tèst, ripití resèpt, òf konfirmá ku hòspital a risibí bo karta di referensia di bo dòkter di kas. E number di WhatsApp (+5999-745-0000) ta pa
konektá solamente ku poliklínika. E opshon aki lo yuda baha e kantidat di yamadanan ku ta drenta pa asina
por atendé tur pashènt na un manera mas efisiente. E opshon pa yama sentral di telefòn papia dirèkt ku un persona ta keda posibel ora yama 745-0000.
Si bo no risibí un kontesta pa bo pregunta mesora via di WhatsApp, un representante di e poliklínika lo tuma kontakto den ménos ku 48 ora. Si ta trata di un emergensia, yama 911 òf ambulans na 912.
Pa último desaroyonan di CMC, sigui página di Facebook di Curaçao Medical Center.
