WILLEMSTAD, 16 di yanüari, 2026 – Curaçao Medical Center (CMC) ta eksperensiando problemanan tékniko ku ekiponan den e departamentu di sterilisashon. Komo medida di prekoushon i pa garantisá e normanan di mas haltu di seguridat di pashènt, CMC lo mester reprogramá sirugianan elektivo ku tabata planiá pa djaluna. Tur sirugia urgente i agudo inkluyendo onkologia, lo kontinuá.
E timnan di Ekiponan Médiko i Servisio Tékniko di CMC ta trahando aktivamente pa resolvé e problema. Ta premirá ku e situashon lo keda resolvi den e próksimo dianan.
Si ta nesesario pa reprogramá e sirugianan di pashèntnan di djamars i djárason, Departamentu di Planifikashon lo tuma kontakto ku nan dirèkt.
CMC ta pidi diskulpa pa kualke inkumbiniensia ku esaki por kousa i ta gradisí pashèntnan i komunidat pa e komprenshon. Seguridat di pashènt ta keda e prioridat di mas haltu.
Pa nesesidatnan médiko urgente, CMC ta sigui operá manera kustumber.
