WILLEMSTAD, 4 di yüli 2024 – Durante un tèst rutinario Curaçao Medical Center (CMC) a eksperensiá un difikultat tékniko chikí ku un di su CT skèn nan kual a resultá den un tiki huma. Solamente algun pashènt mester a keda reprogramá pa awetardi. Mientrastantu CMC tin 2 CT skèn mas pa mantené kontinuidat.
E tim di téknikonan dediká ya ta trahando pa resolvé e problema akí i sigurá ku e CT afektá ta operashonal mas pronto posibel. CMC ta komprometé na sigui mantené e normanan mas haltu di seguridat i kuido pa su pashèntnan.
