WILLEMSTAD, 2 di yanüari 2026 – Durante dianan di fiesta (entre 24 di desèmber 2025 i 1 di yanüari 2026) departamentu di Emergensia na Curaçao Medical Center (CMC) a registrá 30 kaso di emergensia relatá na aksidente di tráfiko, vürwèrk, hinkamentu i tambe maltrato di kual 10 a keda interná. Ningun pashènt a fayesé.
Pa lokual ta trata kasonan di kemadura, departamentu di Emergensia a registrá 5 kaso relatá na vürwèrk i 1 aksidente di kemadura no relatá na vürwèrk. Di esnan aki, 3 persona a keda interná.
Mas aleu CMC a registrá 17 aksidente di tráfiko di kual 6 persona a keda interná.
Alabes a registrá un kaso di hinkamentu i seis di maltrato físiko.
