Willemstad 30 di mei, 2023 – Komishon sosial di personal di Curaçao Medical Center a organisá e di dos torneo di sòftbòl pa sektor di kuido e wikènt tras di lomba. E meta di e torneo aki ta pa trese koleganan den e sektor huntu den un atmósfera salú fuera di e espasio di trabou i inspirá positivismo, dibertishon i trabou di tim.
E ganadó apsoluto di e wikènt di sòftbòl ta ADC, SGR groep a sali supkampion i CMC a bai ku e di 3 lugá.
E seis timnan ku a partisipá den e torneo ta CMC, Laboratorio de Medicos, ADC, Ambulans/GMN, SGR groep/Hamied i Advènt hospital. Komishon sosial di personal di CMC ta sumamente orguyoso ku e di dos edishon di CMC softball tournament i ta yama danki na tur tim ku a partisipá i alabes na esnan ku a hasi e kampionato posibel inkluso Cavalier, Landslotterij, GH Car rental, Brosaun i Vidanova Bank.
Komishon sosial di personal di CMC kier invitá tur organisashon ku ta tambe ta forma a parti di e sektor di kuido pa tuma kontakto na komishonsosial@cmc.cw pa por forma parti di e tremendo torneo aki otro aña ku Dios ke.
