Willemstad, 13 di yanüari, 2022 – Entrante di djabièrne, 14 di yanüari, Curaçao Medical Center (CMC) ta limitá orario di bishita pa motibu di sifranan haltu di kontagio di COVID-19 den nos komunidat. Ta permití solamente 1 bishita ku ta e persona di kontakto di e pashènt entre 5or di atardi i 7or di anochi. Entrada ta solamente di garashi di banda di Pater Eeuwensweg.
- No ta permití persona bou di 18 aña den hòspital ku eksepshon di esnan ku a risibí aprobashon pa kasonan ektraordinario
- No ta permití pa sali i drenta bèk durante e orario di bishita (5pm- 7pm)
- Na entrada mester presentá ID balido pa risibí karchi di bishita
- Mester duna nòmber i fecha di nasementu di pashènt
- No ta permití bishita ku sintoma di COVID-19. No por drenta si ta nister, tosa, ku keintura, doló di garganta, nanishi ta kore, of doló di kabes.
- No ta permití akseso si bo tabata eksponé na un persona ku COVID-19 den e último 14 dianan.
- Tur bishita mester bisti tapa boka na tur momentu (Mester tapa nanishi i boka). Esnan ku no kumplí lo wòrdu guiá pa sali for di hòspital i lo no por drenta bèk.
- Bishita na pashèntnan ku COVID ta limitá
Si bo ta e (1) persona di kontakto di un pashènt bo por hasi uso di e programa di “Stay Connected” di CMC si akaso bo no por drenta den kontakto ku bo ser kerí. Yama 745-0045 òf email stayconnected@cmc.cw.
Pa último desaroyonan di CMC, sigui página di Facebook di Curaçao Medical Center.