Willemstad, 6 di ougùstùs 2026 — Curaçao Medical Center (CMC) ta posponé tur prosedura di endoskopia elektivo temporalmente debí na problemanan tékniko ku algun ekipo ku ta usa den proseso di endoskopia. Ta duna prioridat i ta sigui na un manera seif ku proseduranan di endoskopia urgente, inkluyendo esnan relashoná ku kanser i proseduranan krítiko di pulmon. CMC ta tuma kontakto dirèkt ku tur pashèntnan afektá.
E proseduranan ku ta afektá ta eksaminashonnan ku ta rekerí un endoskop pa wak garganta, stoma, tripa i pulmon. E situashon aki no ta afektá operashonnan regular òf proseduranan ku ta keda ehekutá den salanan di operashon di CMC, kua ta usa ekipo i protokòlnan separá.
Aktualmente investigashonnan adishonal ta tumando lugá pa determiná kousa di e problemanan tékniko i restourá e ekipo na un manera seif. CMC ta trahando huntu ku e proveedor di ekipo i spesialistanan di seguridat pa restourá kapasidat kompletu di endoskopia mas rápido posibel. CMC ta lamentá e molèster pa pashèntnan afektá i ta apresiá nan komprenshon miéntras medidanan nesesario di seguridat i investigashonnan ta keda finalisá.
