Introdukshon
Despues di sirugia, bo yu lo tin doló den su garaganta. Tin biaha tambe tin untiki sanger bieu ku a keda den nanishi i boka. Ta hopi importante pa bo yu bebe hopi, usualmente mester enkurashá nan untiki mas pa hasi esaki. Tambe bo yu por bai kas e mesun dia. Solamente si niun sanger resien ta sali for di nanishi òf garganta.
Na kas
E promé simannan despues di operashon, bo yu lo sinti’é untiki malu. Kome i papia por ta doloroso. E doló aki por ta radiante na orea. Paracetamol por yuda, komo un supositorio. Bebe esaki na mesun ora e promé 3 dianan, kaba bo por vária esaki i duna bo yu mas ménos si bo ta mira ku bo yu mester di dje. Ora bo yu papia, den komienso e ta mustra manera su boka ta yen. Pero tur e reklamonan aki ta pasa gradualmente.
Na banda di e amandel kitá, un kapa blanku/shinishi ta wòrdu krea; esaki ta normal i no ta un señal di inflamashon. Tin biaha e ta duna un smak straño den bo boka i bo yu su boka tambe por hole malu un par di dia. E kapa aki por disparesé despues di un siman. Tin biaha esaki ta akompañá ku untiki pèrdida di sanger. Den kaso di pèrdida di sanger, semper tuma kontakto ku hòspital (tel. 745 0000 pa oranan di ofisina puntra pa klínika di ENT, pafó di ED).
Kuminda i bebida
Ta importante pa bo yu bebe regularmente den e promé dianan despues di sirugia. Sikiera un par di slòk kada ora (bo no mester lanta bo yu pa e bebe). Lo bo nota ku e promé slòk ta esun mas doloroso, e slòknan despues ta bai mas mihó. Awa ku eiskrim tambe ta bon. No ta rekomendabel pa kome kuminda pisá, pika òf kosnan hopi kayente. Ehèmpelnan di kumindanan ku semper ta bon pa kome ta: ápelmus di frishidel, pan sin kaska, batata machiká, yòghert,etc. Niun otro dieta speshal no ta nesesario. Tene bo yu kalmu pa un par di dia. En general, despues di un siman bo yu ta kasi kompletamente rekuperá i por kuminsá hunga pafó i tambe e por kuminsá bai skol. Despues di dos siman di operashon bo yu tin pèrmit ku e por kuminsá landa.
