Willemstad 7 di yüni 2024 – Direktiva di Curaçao Medical Center (CMC) ta informá públiko di e planfikashon di tempu ku hues a establesé ayera dia 6 di yüni 2024 den korte basá riba e “kort geding”entre CMC i Pais Kòrsou ku a ser palabrá. E kronograma akí a keda formá den konsulta ku e abogado di Pais i señora. Sixiènne Jansen, konsehero di gabinete di Ministerio di Salubridat Públiko, Medio Ambiente i Naturalesa (GMN). Ademas, sra. Jansen tambe tabatin un konsulta telefóniko tokante esaki ku minister di GMN.
Hunta di Direktiva di CMC ta gradesí Minister di Salubridat Públiko, Medio Ambiente i Naturalesa señor Javier Silvania pa su aporte pa asina por yega na e kronograma palabrá i tambe pa e adelanto di NAf. 7 mion pa kuido di no aseguradonan i NAf. 1 mion pa gastunan di transishon.
Mas tardá 13 di yüni 2024, tur 7 kònsèpt rapòrt di KPMG lo ser presentá na CMC pa investigashon di echonan. E proseso akí, konosí komo “hoor- en wederhoor” ta pa sigurá e minusiosidat di e rapòrtnan i duna CMC e posibilidat pa duna komentario. CMC lo traha ariba pa por duna un kontesta lo mas lihé posibel, preferibelmente na e siguiente dia di trabou despues di a risibí e 7 rapòrtnan.
Mas tardá 20 di yüni 2024, e rapòrtnan final di KPMG lo wòrdu distribuí na tur partido konserní, entre kua, CMC. Riba e fecha aki, hues mester informá ku e rapòrtnan a wòrdu emití.
Despues di distribushon di e rapòrtnan final, lo tin un deliberashon entre CMC i Pais tokante dos punto esensial. Unu, kon pa solushoná e defisiensia di likides di CMC te ku na final di e aña akí. Despues di kita e kasi NAf. 8 mion ku a risibí durante e siman akí, ta keda ainda NAf. 27 habrí.
Dos, stipulashon di planifkashon di tempu pa e tumamentu di desishon entre direktiva di ministernan a base de rapòrtnan di KPMG. Pais a indiká ku por spera un desishon mas tardá fin di yüli ku e meta ku lo presentá un solushon struktural. Inkluyendo e formalisashon di tarifanan nobo pa e próksimo aña.
Mas tardá 1 di yüli 2024, hues mester ta informá si e puntonan menshoná ariba a wòrdu solushoná. Si esaki no ta e kaso, dentro di 1 siman mester tuma lugá un veredíkto.
E komunikado di prensa aki ta deliniá e pasonan krusial i e fechanan di entrega ku a wòrdu akordá pa trata tanto e asuntonan finansiero di korto plaso, komo esnan di plaso medio i largo plaso di CMC i trese solushon sustenibel.
Final komunikado.
