Willemstad, 15 di Novèmber 2024 – Riba su fecha di su di 5 aniversario, Curaçao Medical Center (CMC) ta kontentu pa anunsiá ku lo ekstendé orario di bishita pa famia. Entrante 15 di Novèmber, famia por pasa entre 11:00am i 8:00pm. E kambio aki a bin tuma logá pa motibu ku CMC ta komprondé e ròl krítiko ku presensia di famia tin den e proseso di rekuperashon di su pashèntnan.
“Nos lema, ‘Sirbi ku Amor’, ta reflehá nos kompromiso pa ofresé kuido ku amor. Nos ta rekonosé ku famia ta duna un kontribushon enorme na e bienestar emoshonal i sikológiko di nos pashèntnan,” Germaine Gibbs, hefe di Komunikashon a bisa. “Dor di ekstendé e orario pa famia, nos ta kultivá un ambiente di apoyo pa e pashènt por rekuperá.”
CMC ta enkurashá famia pa bishitá i duna aporte na nan ser kerí. Alabes ta pidi pa tene kuenta ku e siguiente reglanan pa sigurá un eksperensia seif i positivo pa tur pashènt:
– Un máksimo di dos bishita pa pashènt
– Mucha mester ta kompañá pa un adulto.
– Respetá e privasidat di otro pashèntnan i e espasio nesesario pa e pashènt rekuperá.
Ademas, CMC ta pidi famia pa yudá kreá un ambiente kolaborativo i ofresé asistensia na e ser kerí kaminda por, pasobra kada gesto chikí ta hasi un diferensia.
CMC ta invitá tur hende pa uní pa mehora e eksperensia di nos pashèntnan.
https://youtu.be/5EERcctuKRU
