WILLEMSTAD, 9 di sèptèmber 2024 – Curaçao Medical Center (CMC) ta kontentu pa anunsiá ku un piano a ser koloká den atrium di hòspital. E piano ta un donashon di donadónan Angel anónimo. E inisiativa aki ta diseñá pa stimulá un ambiente sano i positivo pa pashèntnan, bishitantenan i personal. Investigashon a demostrá ku músika tin benefisio terapéutiko signifikante ku ta kontribuí na bienestar general. Pa inougurá e piano nobo, Randal Corsen a regalá pashèntnan i koleganan un aktuashon spesial.
E piano ta disponibel pa esnan ku tin eksperensia ku piano di tin guia pa sigurá ku su uso ta respetuoso i apropiá. Tur hende ku ta toka ta enkurashá pa krea un ambiente di pas ku lo yuda mehorá e eksperensia den hòspital pa tur hende.
“Esaki ta un paso importante den nos mishon pa sostené e proseso di sanashon i krea un ambiente agradabel den nos hòspital,” segun Gilbert Martina, Direktor di CMC.
