Willemstad, 14 di novèmber 2023 – Riba Dia Mundial di Beibinan Prematuro, 17 di novèmber,
Curaçao Medical Center (CMC) ta suprayá e importansia di parto prematuro. CMC lo publiká
informashon krusial di e kuido, kousa di parto prematuro i e ròl signifikante di involukrá
mayornan den e proseso. E informashon aki lo ta aksesibel for di dia 16 di novèmber riba CMC
su página di Facebook i Instagram.
E realidat ta ku parto prematuro por afektá kualke famia. Mundialmente, un di kada 10 beibi ta
nase prematuro. Na aña 2023, te ku awe 14 di novèmber, CMC a proveé kuido na un total di 52
beibi premuturo. E kousanan di parto prematuro ta diverso i ta varia entre síndrome di HELLP,
kual ta un komplikashon durante embaraso ku por kousa peliger di bida, te ku un parto
prematuro spontanio. Sinembargo, e mayornan di e beibinanan resiliente aki por tin trankilidat
mirando ku e profeshonalnan dediká di CMC ta duna kada un beibi prematuro e mihó
oportunidat pa un bida saludabel.
CMC su departamentu di Kuido Intensivo Neonatal (NICU) tin 12 kama spesial ku por akomodá
beibinan prematuro for di 24 siman. E departamentu di NICU ta ekstendé su servisionan tambe
na pashèntnan di nos hermana islanan den Reino Hulandes.
PRENSA: Pa mas informashon, entrevista of pregunta, por tuma kontakto ku Germaine Gibbs na
germaine.gibbs@cmc.cw
