WILLEMSTAD, 29 di mei 2024 – Durante presentashon di e resultadonan anual di Curaçao Medical Center pa aña 2022, a ser anunsiá ku e proseso di rekrutashon pa un direktor general nobo, ken lo bai remplasá sr. Gilbert Martina a kuminsá. Manera menshoná den e komunikado di prensa dia 26 di aprel 2024, sr. Martina, ken ta manehá CMC pa ocho aña for di e periodo di transishon na òktober 2017, lo yega na su máksimo di 8 aña apuntá komo direktor statutario den yüni 2025, di akuerdo ku e statutonan di CMC exploitatie.
Sr. Martina konsistentemente a demostrá liderasgo guía pa maneho efektivo di personal i un vishon klá pa futuro. Bou di guia di sr. Martina, CMC a marka pasonan signifikante den direkshon pa bira e mihó hòspital di Karibe.
Su liderasgo nabegando e retonan durante temporada di COVID-19 tabata krusial, tambe den tuma e pasonan nesesario pa yega na akreditashon di JCI den e periodo binidero, den eksplorá posibilidatnan di turismo médiko i den inkulká e filosofia di “Sirbi ku Amor” den e kultura organisashonal i operashonnan diario.
Ku e sosten di un kompania spesialisá den rekrutashon, Hunta di Direktiva di CMC a kuminsá e búskeda pa e kandidato ideal ken lo kontinuá e liderasgo di CMC ku dedikashon, ofresiendo kuido di kalidat haltu i ekselente servisio na promé lugá. Pa di e forma akí guia CMC pa yega na su metanan ambisioso.
Final di Komunikado
