Willemstad 26 di mei, 2023 – Curaçao Medical Center (CMC) pronto ta bai lansa ofisialmente su enkuesta di
satisfakshon di pashènt ku e ophetivo pa mehorá e eksperensia di kada pashènt. Pa lansa e enkuesta aki
ku éksito, e pashèntnan ku ainda no a duna konsentimentu ta bai risibí un SMS ku ta pidi outorisashon pa
risibí e enkuesta di satisfakshon di pashènt. Esaki ta sigurá ku e pashènt tin oportunidat di duna su opinion
kada bes ku e bishitá hòspital. E opinionnan kompartí via e enkuesta ta keda tratá ku máksimo
konfidensialidat i e kontestanan ta bai keda anónimo.
CMC ta pidi tur pashènt pa kontesta e invitashon via SMS pa por duna nos nan opinion via di e enkuesta di
satisfakshon di pashènt. Bo partisipashon ta un kontribushon enorme na nos esfuerso pa por mehorá e
eksperensia di atenshon médiko ku nos ta brinda i garantisá ku kada pashènt ta risibí kalidat di kuido mas
haltu.
