Tin diferente sorto di material pa laba nanishi kun’é. Ta importante pa bo nanishi ta limpiá ku 150-200 cc òf “saline” (un meskla di “sodium chloride” i awa), kua tipo di material bo skohe no ta importante.
Bo por kumpra “saline” òf bo mes tambe por trah’é:
- Bo por kumpr’é kla kaba den un bòter na Botika: salu fisiológiko.
- Bo por kumpra pakete semi-prepará di salu na botika i meskla esaki ku awa di kranchi.
- Òf bo por trah’é bo mes: e ratio ta un liter di awa di kranchi ku un telep di salu (salu normal di kushina, nota: yodo (jodium) por pika, pesei preferiblemente sin yodo).
Laba
- Yena e pochi (produkto/bòter ku bo ta usa pa saka sushi for di bo nanishi) ku “saline” (neti pot).
- Pone e produkto di nanishi den un di bo burakunan di nanishi i lentamente primi e bòter mièntras tantu bo ta bisando algu ku e sonido di leter “K”. Komo resultado e parti muskular patras di e shelu di ta sera bo nanishi i e solushon tambe ta bira mas chikí den parti patras di bo garganta. Despues ku bo primi e bòter, “saline” ta sali for di e otro buraku di bo nanishi. E awa ku bo ta spula kun’é por sali for di e mesun buraku òf e otro. Tur dos ta bon. Si ta nesesario, supla bo nanishi. E orei lo tin èkstra “saline” i sushi ta sali for di bo nanishi.
- Despues pone e punta di e pochi den e otro buraku di bo nanishi i primi e bòter atrobe. Ripití te ora e pochi ta kompletamente bashí. Dor di primi e pochi/bòter delikado, bo ta prevení “saline” pa drenta den bo garganta. Si esei sosodé, no ta algu peligroso bo ta djis skupi’é sak’é afo.
Videos laba ku salu
