WILLEMSTAD, 22 di yanüari 2026 – Awe e Direktor General i Tim di Maneho di Curaçao Medical Center (CMC) a risibí un bishita di Minister nobo di Salubridat Públiko, Medio Ambiente i Naturalesa, Sr. Tyron Boekhoudt. E meta di e bishita tabata pa sera konosí i presentá e situashon aktual di e hòspital, retonan klave i prioridatnan stratégiko.
Durante e bishita, a toka temanan krítiko inkluyendo e redukshon di lista i tempu di espera di pashènt i e preshonnan di kapasidat ku vários spesialismo ta enfrentá.
Komo parti di e programa, e Minister a hasi un rekorido den algun di e departamentunan klave, entre otro e departamentu di Diálisis, kaminda a enfatisá e importansia di e kolaborashon eksistente entre GMN i CMC pa sigui ku kampañanan di prevenshon. Ámbos partido ke yega na un komunidat mas salú i aliviá e peso riba kuido. CMC ta ansioso pa sigui den kolaborashon ku e Ministerio.
